Белгилүү советтик мультфильмдердин жаратуучусу Юрий Бутырин каза болду

"Незнайка на Луне"

Орусиянын белгилүү мультипликатору Юрий Бутырин 86 жаш курагында кечээ, 30-мартта каза болду. Бул тууралуу чет элдик басылмалар кабарлашты.

Маалыматка ылайык, ал "Незнайка на Луне", "Малыш и Карлсон", "Трям! Здравствуйте!" сыяктуу анимациялык тасмаларды жарыкка чыгарган. Бутырин 1950-жылдардын акырында "Союзмультфильм" студиясына жумушка орношуп, сүрөтчү-мультипликатор катары "Вовка в Тридевятом царстве", "По следам бременских музыкантов", "Щелкунчик" жана "Ну, погоди!" мультфильминин бир нече серияларын чыгарууга катышкан.

Акыркы жылдары көзүнүн көрүүсү начарлаган Юрий Бутырин 21-мартта 86 жашка толгон. Убактысынын көбүн үй-бүлөсү менен өткөрүп, мультипликация тармагында иштебей калган.

Автор: Турсунай Алымкулова