Улуттук филармониянын 300дөн ашык артисттери Алматы шаарында концерт коюшту

30-мартта М.Ауэзов атындагы Алматы академиялык театрында Т.Сатылганов атындагы Кыргыз улуттук филармониясынан барган кыргыздын 300дөн ашык маданият ишмерлеринин концерти орун алды. Иш-чара Тарых жана маданият жылына карата уюштурулду.

Уюштуруучулар кабарлашкандай, иш-чарага Алматы шаарынын мамлекеттик администрациясынын өкүлдөрү, Казакстандын маданият ишмерлери, коомдук ишмерлер жана бул шаарда жашаган кыргыздар күбө болушту.

Концерттик программанын алкагында сүрөтчүлүк өнөрдүн тарыхы жана кыргыз элинин маданияты көрсөтүлдү.

Автор: Максат Кудайбердиев
Фото: Уюштуруучулардыкы