МЕДИА-ПОРТАЛ: "Мен сүйгөн менен пайда жок" ыры хит болгондон кийин ырдап, ага клип тартып, көп сынга кабылдык" дейт ырдын автору Руслан Нарынбаев

"Мен сүйгөн менен пайда жок" ыры Нурмат Садыровдун аткаруусунда элге кеңири тарап, хит болгон. Ырдын автору Руслан Нарынбаев да бул ырды жаздырып, клип тартып чыкты. "Медиа-портал" бөлүмүндө эки ырчынын күйөрмандары бул клипке түрдүү сын-пикирлерди айтышууда. Руслан Нарынбаев клип тууралуу мындай дейт:

"Автор катары ырдап койбойсуңбу деген сунуштар болгондуктан, "Мен сүйгөн менен пайда жок" ырын жаздырып, клип тарттык. Клип тартуу учурунда болгон катуу шамал ишибизге тоскоолдук жаратып жатты. Арт жактан түтүн чыгып туруш керек эле, шамал да аны башка жакка буруп, кыскасы, бир топ ыңгайсыздыктар жаралды. Ырдын маанисине ылайык клип тартсак болмок, бирок клипмейкерлер башка идеяны туура көрүштү. Албетте, клипке карата жакшы-жаман пикирлер айтылды. Ар кимдин ою ар кандай. Мен болгону ырдын автору катары ырдап койдум. Клипте башкы каармандын образын жараткан кыз демөөрчү болуп, ага жакын досторум тартылышты".

Руслан Нарынбаевдин "Мен сүйгөн менен пайда жок" ырынын клибин бул жерден көрүңүз.

Автор: Турсунай Алымкулова