КИНОЗАЛ: "Жыргализм" тасмасы аркылуу кыргыздар жыргал жашоодо жашап жатышканын көрсөткүбүз келди" дейт Эрнест Абдыжапаров

"Кинозал" бөлүмүндөгү даректүү тасмалардын бири - "Жыргализм". Тасманын режиссёру - Эрнест Абдыжапаров. Аталышы айтып тургандай, анда кыргыз өлкөсүнүн жана кыргыз жарандарынын жашоосундагы бактылуулук идеясы чагылдырылат.

Эрнест Абдыжапаров тасма тууралуу мындай дейт: "Дүйнө жүзү туура эмес жол менен өнүгүп жатат. Өнүгүүнүн туура жолу - бул адамдын ички дүйнөсү, каалоо-тилеги, пейили менен оңолот. Жер-жерлерди кыдырып, "Жыргализм деген эмне, жыргализмде жашап жатабызбы?" деп элге суроо салдык. Көрсө, азыркы учурдагы көйгөйлөр, экономикадагы кризис деген нерселер жок экен. Бул бирөөлөрдүн эле ойдон чыгарганы. Чындыгында, күтүлбөгөн кырсык болбосо, ар бир адам өз чөйрөсүндө үй-бүлөсү менен жашоого аябай позитивдүү карайт экен. Ошондуктан тасмада баарыбыздын ички дүйнөбүздө жыргал жашоо болсо, "жыргализм" деген ураан менен иш баштасак, экономикада өнүгүү болот деген идея бар. Кинонун сюжети жок, жалаң интервьюдан турат. Соңунда кыргыздар жыргал жашоодо жашайт экен деген тыянакка келдик".

"Жыргализм" тасмасын бул жерден көрүңүз.

Автор: Турсунай Алымкулова