ЖЫЛНААМА, 10-МАЙ: Мындан 2 жыл мурун сахнага сакалчан аялдын образында чыккан австриялык ырчы Кончита Вурст "Евровидение-2014" Эл аралык сынагын жеңген

2014-жылы 10-майда Даниянын борбору Копенгаген шаарында өткөн Эл аралык "Евровидение-2014" сынагынын финалында Кончита Вурст жеңип кеткен. 2013-жылдын 10-сентябрында "Евровидение-2014" сынагында Австриянын атынан Кончита Вурст чыгары белгилүү болгон. 26 өлкөнүн таланттары ат салышкан сынактын калыстар тобу жана көрүүчүлөр жеңишти сахнага сакалчан аялдын образында чыккан австриялык ырчы Томас Нойвиртке ыйгарышкан.

Кончита Вурст Европаны "Rise like a Phoenix" ыры менен багынтып, 290 упай топтой алган. 238 упай топтогон нидерландылык "The Common Linnets" дуэти 2-орунду, 3-орунду 218 упай менен швециялык ырчы Саана Нильсен ээлеген. Орусиянын атынан ат салышкан эгиз кыздар Мария жана Анастасия Толмачёвалар 89 упай топтоп, 7-орунду багындырышкан.

Бул жеңишти бири "толеранттуулуктун жеңиши" десе, бири "түрү сууктар шоусу" деп атаган. Ал эми ансыз да 2012-жылдан бери бул сынакка катышпай келген Түркия Кончита Вурсттун жеңишинен кийин сынакка катышуудан бир жолу баш тарткан. Венгриянын католиктеринин радиостанциясы жеңүүчүнү билген соң трансляцияны токтотуп салган. Чехиянын ММКлары окуяны "Европанын чириши" деп жазып чыгышкан.

10-майдын жылнаамасы.

Автор: Мальвина Уметбекова