СУПЕРСТАН: "Мүчөл жашыңда турмушка чыксаң бактылуу болосуң"

SUPER.KG порталынын "Суперстан" бөлүмүндө "Мүчөл жыл жөнүндө сүйлөшөлү" деген тема талкууга алынды.

Темадагы билдирүүлөрдөн:

"Туулган күнүндө "жамандык ушуну менен чыгып кетсин" деп идиш (чыны, тарелка) сындырышат. Кызыл кийим кийип, ырымдап коюш керек, болбосо мүчөл жылы болуп жаткан адамга бир аз кыйынчылыктарды алып келет дешет. Мисалы, мен өткөн жылы турмуштун тоскоолдуктарына кабылдым десем болот, ал жыл мүчөл жылым болчу. Ошондо чыны сындырып койбой деп азыр өкүнүп калам. Ошондуктан канча жылда бир келген мүчөл жылыңызга жакшы эле көңүл буруп койсоңуз ашыкча болбос".

"Кызыл кийим кийиш керек деп айтылат. Кийин ошол кызыл кийимди жакшы көргөн бир жакыныңа берип коюш керек деп уккам".

"Менин да мүчөл жылым болгондуктан, андай-мындай кептерди кулагым чалып, ырымын кылып кызыл кийим кийип койдум. Сак болуш керек, мен ушуну бардык мүчөл жылын өткөрүп жаткан инсандарга айткым келет".

"Чындыгында эле кооптуу жыл болот. Акырын жүрүш керек, урунуп-берине бербей. Бул менин башымдан өткөн. Кыргыз эли ислам дининен мурда жаралгандыктан, кыргызчылык кылып койгон деле оң".

"Менин мүчөл жылым өттү. Кызыл, сыя көк кийим кий деп айтып жатышты. Бирок мен бир кулагымдан киргизип, экинчи кулагымдан чыгарып, укмаксанга салып койдум. Кудайга шүгүр, кызыл кийбесем деле тынч эле жылдардан болду. Дагы да тынч жылдардан болсун".

"Мен деле ишенбейм, бирок атамдын 3 бир тууганы мүчөл жашында каза болду. Мүчөл жаш ар бир 12 жылда бир келет".

"Антиш керек, минтиш керек" деген кептер көп. Мисалы, мен айылга барсам, үйдөгүлөр кой союшту. Анан канын ырымдап мага тийгизип, ошол кийимди 3 күн чечтирбей коюшту. Мен андайларга ишенбейм, бирок ата-эненин көңүлү үчүн эмнени гана кылбайсың. Өзүмө бир кызыл көйнөк тигип, кийип койсомбу деп жатам. Баса, "мүчөл жылында турмушка чыкса бактылуу болот" деп эжем турмушка чыкты эле, тилекке каршы, андай болгон жок. Болгону "24 жашка чыгып, карып баратам" деген эле кеп го".

Талкууга кошулгуңуз келсе, бул жакка кириңиз.

Автор: Алина Токтакунова

15:34 01-06-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (6)

football1

2016-06-01 17:08:07

Алдайт, мучол жылынды кутсон карып кетесин, эгерде 24 жашында чыга албай калсан 36 жашынды кутушко туура келет, ар нерсени айтып ХХХ бербегиле

admin_portal

2016-06-01 17:33:26

football1, этика нормаларын сактаңыз!

barpy1

2016-06-01 17:42:10

Кыздар мучол жылын кутуп эрсиз калышы мумкун... Кыз баланын 17-18ден 22-23 жашына чейин турмушка чыкканы макул..

Адамдарга тан калам, сурасан мусулманмын дейт, анан гороскоп же ушундай ырым-жырым болсо ичкен ашын жерге койот. Деги же динге, же ырым-жырым менен астрологияга, экоонун бирине ишениш керек да..

Abdullatif

2016-06-02 06:27:06

Кыргыз эли эч качан Ислам дининен мурда жаралган эмес, билип билбей эле сого бересинби. Эгер билсен Ислам дини адам ата обо энеден мурда болгон. Ислам дининин тарыхына бир коз чаптырып койсон ашыкча болбойт.

Badr

2016-06-02 13:14:57

Бекер соз баары Аллахтан.

Kroxa

2016-06-02 13:26:51

Негизи мучолуу жылды сыноо жылы деп кырсык тооручу жыл деп кан чыгарып ырымдашат кызыл кий жакшы коргон буюмду сындырып баштан тегеретип ыргытчу эле илгеери намазын беш маал окуган чон энелерибиз...

Комментарий калтыруу үчүн өз ысымыңыз менен кириңиз же каттоодон өтүңүз.