Алты эмдин сүрөтү менен дүйнөгө белгилүү болгон үй-бүлө кайрадан жаңы сүрөттөрүн коомчулукка жарыялады

Кээде үй-бүлөдөгү 1 же 2 жаш бала адамды чарчатып, башка жумуш жасоого мүмкүндүк бербей калат. Эми элестетиңиз, бир убакта дароо алты эм баланы кароо, багып-чоңойтуу кандай түйшүктү талап кыларын... Мына ушундай окуяга Америка Кошмо Штаттарынын Огайо штатынын түгөйлөрү Розонно жана Миа Макги туш болушкан.

Сулуу Миа менен Розонно мектепте окуп жүргөндө таанышып, бири-бирин жарым сөздөн түшүнгөн түгөйлөргө айланышкан. Алар кичинекей кезинен көптөгөн кыйынчылыктарды өткөрүшкөн. Мианы ата-энеси өспүрүм кезинде таштап кетсе, Розоннонун энеси баңгизатын колдончу. Алардын кыйынчылыгы ушуну менен бүтүп калбай, үйлөнгөн соң балалуу болуу бакытын бир нече жыл күтүшкөн.

10 жыл эне болууну күткөн Миа бир күнү эне болорун, болгондо да алты эм экенин укканда кубанычтан эсин жоготуп коё жаздаган.

Розоннонун килемдерди тазалоо боюнча чакан бизнеси бар эле. Аялы 6 баланы багуу үчүн жумушун таштаган. Экөө эми кантип чоң үй-бүлөнү багуу керектиги тууралуу ойлоно башташкан.

2010-жылы чарчаган атанын үстүндө алты эм баланын жаткан сүрөтү интернетке жарыяланган соң бул үй-бүлө бүткүл дүйнөгө популярдуу болуп чыга келген.

Ийгилик бул чоң үй-бүлөгө жогорудагы сүрөт интернет аркылуу тараган соң жылмайган. Сүрөт дүйнөдөгү атактуу алып баруучу Опра Уинфринин да көңүлүн буруп, ал түгөйлөрдү өзүнүн кезектеги шоусуна чакырган.

Дүйнөдөгү атактуу алып баруучу Опра Уинфри

Алар келгенде алып баруучу 250 миң доллар белекке берип, ошондой эле Миа менен Розоннонун кечиккен бал айын Лас-Вегас шаарында өткөрүүнү каржылаган.

Аталган окуя көптөгөн жарандарды берешендикке үндөгөн. Андан көп өтпөй тааныш эмес эле адамдар бул үй-бүлөгө жалаяктарды алып келишип, түрдүү жардамдарды сунуштай башташкан.

Жыйынтыгында бактылуу үй-бүлө "6 кичинекей Макги" аталышындагы реалити-шоусун негиздеп чыккан. Анда алты эмдин кандай чоңоюп жаткандыгы жана ата-эне өзүнүн милдеттерин кантип аткарып жатканы көрсөтүлүп турган. Эң башкысы, Розонно бизнесин кеңейтип, алар чоң үй сатып алууга жетишишкен.

Алты жыл аралыгында үй-бүлө мүчөлөрү кандай чоңойгону тууралуу түгөйлөр өзгөчө бир нерсе жасоону ойлошуп, аларды дүйнөгө белгилүү кылган сүрөттөгү көрүнүштү кайра кайталоону чечишкен.

Розонно кичүүсү, Илия, Оливия, Мэдисон, Иосия жана Иссак чоңоюп калышкандыктан, баары атасынын үстүнө батпай калган. Андыктан сүрөтчү ойлогон жыйынтыкка жетүү үчүн фотошопту колдонгонун билдирген.

Макгилер жашоосундагы жаңы бөлүмдү эми "Макгилер чоңоюп жатышат" аталышындагы жаңы телеберүүдө изилдешет.

Автор: Турсунай Алымкулова

18:35 15-06-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (24)

Keremet008

2016-06-15 19:19:10

Ооой укмуш го бизге да насип этсинчи эгиздерди. Кудайдан аябай тилейм мен да эгиз уулду болсом деп

88inara88

2016-06-15 20:02:47

Аллах берген бакыт ушул болсо керек менимче коруп суктандым аябай,ыйык айда Аллахдан тилейли биздин кыргыз элибизда ушинтип 6-8 торосун тезирек кобойолу,бизгеда насип этсин.

+10

Maks1

2016-06-15 20:13:48

Аллах өмүрүн узуун кылсың..

Mahabbat

2016-06-15 20:13:54

Мынча бактылуу уй-було. Коруп аябай суктандым. Бизге да эгиз уул кыздарды берсе экен Аллахыбыз

kofesmolokom

2016-06-15 21:24:21

Коруп, коз суйунот! Тфу-тфу-тфу, коз тийбесин!

munduz2016

2016-06-15 21:57:51

Бактылуу уй-було экен.Сабырдын тубу сары алтын деген ушул да.10жыл балалуу болбой журуп бир мезгилде 2кыз 4уул Аллах бериптир.Бирден тороп да алтыга жеткируу кыйын баланы...Кыскасы бактылуу болушсун!!!

altyn87

2016-06-15 23:03:31

Маа ша Аллах. Аллахым берешен зат.

Bazana

2016-06-16 01:06:46

Европа жетишкенда бизде алты эгиз эмес онду торосондо таш майданда жок

-1

Nora

2016-06-16 01:46:30

Bazana,

Evropada emes Amerika dep atat

Qnet

2016-06-16 22:55:13

Bazana,Бизде деле бергенде берип жатышпайбы!Кичине кордум,уктум дегенди да билели да туугандар

janko1

2016-06-16 04:24:18

Кандай сонун кандай бактылуу ата эне балдардын омурлорун берсин. Аллахым мага да ушундай эгиз уул кыздардан насип этсин!

Uluk_Kalyev

2016-06-16 09:13:02

Bazana Америка ошо европа болотта

AKCAHAT

2016-06-16 09:46:02

Uluk_Kalyev, экоосу эки башка материк эки башка континент .

Kunbeken

2016-06-16 13:53:51

Кандай бактылуу уй-було, суктандым....

sezim_osmonalieva111

2016-06-16 15:28:15

Кандай сонун.Бактылуу экен баары.

aiba_00

2016-06-16 16:53:36

Бала ырыскы алып келет деген негизи чын да, балким бул балдар торолбосо чон уйду да алмак эмес миллион долларларды алмак эмес жардамга деп, бул да болсо балдардын ырыскысы деп ойлойм.

ss90

2016-06-16 22:28:15

Бизге да насип кылган болсун!!!

Ananai

2016-06-17 04:08:17

Суротторду коруп мен да бактылуу болуп кетипмин)))

Комментарий калтыруу үчүн өз ысымыңыз менен кириңиз же каттоодон өтүңүз.