Ак үйдүн батыш тарабындагы эс алуу багы каралбай, таштандылар чачылып жатат

Бишкектеги Ак үйдүн батыш тарабындагы эс алуу багы таштандыга толуп, куураган арчалары алмаштырылбай, дарактардын сынган бутактары алынбай калганы анын кароосуз калганынан кабар берип турат. Мындан сырткары жарактан чыккан күркөлөр Ак үйдүн көрүнүшүн гана бузбастан, эс алуучулардын көңүлүнө терс таасир берүүдө. "Көк майсанды басууга болбойт" деген эскертме илингени менен, андагы чөптөр тебеленип, жалбырактардан тазалана элек. Сейил бактагы ураган эски курулуш, таштандыга айланган жай шаардын көркүн кетирип жатат. Өлкө башчынын "кеңсесинин" жанындагы мындай абал баарына өөн учурайт.

Борбор калаада жашылдандыруу жана көрктөндүрүү иштерин жүргүзгөн ишкананын өкүлү бүгүн, 8-ноябрда аталган эс алуу багын тазалоого киришерин билдирди.

"Куураган арчалар, дарактардын сынган бутактарын тазалоо биздин жумушубуз. Ак үйдүн айланасын иретке келтирүү аракетин көрөбүз", - деди Бишкек шаардык "Жашылдандыруу" ишканасынын адиси Токтобек Абдыкеримов.

Ал эми 1-Май районунун акиминин орун басары бул жагдайды дем алыш күндөрү узакка созулганы менен байланыштырды.

"Ак үйдүн батыш тарабынын таштандыга толуп кетиши 3 күн катары менен дем алыш болгонуна байланыштуу деп ойлойм. Бул маселе дароо көзөмөлгө алынат. Бүгүн тартипке келтиребиз", - дейт 1-Май районунун акиминин орун басары Руслан Шаратов.

Шаардагы муниципалдык жайлар сөзсүз түрдө бирөө көзгө сайып көрсөткөндө гана оңдолуп-түздөлбөй, ар бир тиешелүү ишкана жооптуу иш алып барса, жашоочулар да ошондой шартка көнүп, шаардын инфраструктурасы жакшырат беле...

Автор: Акназар Сулайманкулов
Фото: Акназар Сулайманкулов

12:33 08-11-2016

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңештин Ардак громатасы менен сыйланды 153 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 131 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 134 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 260 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 162 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 367 0

Архив

Комментарийлер (3)

Aytur

2016-11-08 12:36:45

Борбордун так ортосу ушундааай

Malik92

2016-11-08 12:47:40

Мындай кетиште Таштандыстан болобуз деги эле Кыргызстандын 7 бурчу тантандыга толгон көчөлөр буга өзүбүз дагы күнөөлүбүз тарбия да начар Государство төлөп берет деп көнүп калганбыз туш келди жерге желим бөтөлкө, целлофандарды тамекинин кутусун ж.б ыргытабыз. Таштанды кутулары жетишсиз анан дагы толуп ашып турат биздин дворниктер Орусияда иштегендей иштешсе таза болмок. Ар бир ишкана болобу дүкөн болобу ар бири өзүнүн тушун күндө тазаласа мындай болбойт эле.

adyl.xxxxx

2016-11-08 15:51:07

Ак үйдүн ичи деле таштандыга толуп жатпайбы.

Комментарий калтыруу үчүн өз ысымыңыз менен кириңиз же каттоодон өтүңүз.