Баптист адамдын көрүстөнүн казгандардын ар бирине 1 жылдан сынак мөөнөтү белгиленди

2016-жылы октябрь айында Ала-Бука районунда баптист аялдын сөөгүн казгандардын экөө 1 жылдан кесилишти. Бул тууралуу Жогорку Соттун басма сөз кызматы бүгүн, 1-февралда билдирди.

Маалыматка ылайык, 2016-жылдын 17-октябрында саат 17:00 чамасында Ала-Бука районунун Сары-Талаа айылында К.С. аттуу жарандын сөөгүнүн “Канымбүбү” көрүстөнүнө коюлганына жергиликтүү тургундар нааразычылыгын билдиришкен.

"Баптизм агымындагы адамды мусулмандар жаткан жерге койгонго болбойт" деп көрдөн казып чыгышкан Эмилбек Жанаев, Кубанычбек Эркавлянов Ала-Бука райондук сотунун 2017-жылдын 12-январындагы өкүмү менен Кыргыз Республикасынын Кылмыш-жаза кодексинин 263-беренесинин (өлгөн адамдын денесин жана алар көмүлгөн жерди мазактоо) 2-пункту менен күнөөлүү деп табылышып, ар бири 3 жылга эркинен ажыратылышкан. Кылмыш-жаза кодексинин 63-беренесинин негизинде аларга белгиленген жаза шарттуу деп эсептелинип, ар бирине 1 жылдан сынак мөөнөтү белгиленди", - деп айтылат маалыматта.

Ошондой эле алардан сырткары Бектурган Кулчинов аттуу тургун да маркумдун сөөгүн казып чыкканы белгилүү болгон.

"Соттолуучу Б.Кулчинов боюнча кылмыш иши сотто кароодо, жабырлануучунун мыйзамдуу өкүлү айыпталуучу менен элдешип, аны кечирип, тосмо арыз менен кайрылган. Айыпталуучу жабыр тартуучу менен макулдашууга жетишкендиктен, Кылмыш-жаза кодексинин 66-беренесине ылайык, Бектурган Кулчиновго ачылган кылмыш иши кыскартылган", - деп кошумчалаган басма сөз кызматы.

Ала-Бука райондук сотунун 2017-жылдын 20-январындагы маалыматына ылайык, даттануу түшө элек.

Автор: Үмүт Абдраимова
Фото: Интернеттен алынды

15:08 01-02-2017

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (7)

Saribulak

2017-02-01 15:40:42

Баарын камаш керек озу

-2

uz.nookat

2017-02-01 18:03:06

Saribulak,сен мусулмансынбы туура эмес чечим мусулмандын жайына мүмкүн эмес башка динге коюшка алар башка жай бериш керек

Saribulak

2017-02-01 19:19:07

uz.nookat,закон баарына бирдей. Мен альхамдулилла мусулманмын бирок кор казган адамдарды эч качан колдобойм. Камаш керек .

-2

zevs

2017-02-01 15:57:08

Uchunchu adam akchadan koburok bergengo tosmo aryz jazganina karaganda

arzygulR

2017-02-01 16:07:00

Баары эле которулушконго неге 2адамды камап атат

nura.177

2017-02-01 19:18:52

Жон эле аларга башка жай бергиле , тооба кылдымго анан баптизимде бале барбы олгондон кийин ошол баптизимдегилер кайда кой
улаарын ойлонуп отушсунда . Же тыюу салыш керек мындай диндерге. Бей кунооле бироолор камалабы баптистердин айынан

-1

Aselya_9105

2017-02-01 23:36:06

өлгөн адам өлдү да, ал башка динге өтүп кеткени үчүн суракта аркы дүйнөдөн жооп берет, өз жазасын алат. жерге коюлгандан кийин сөөктү ары бери ташыбай жөн коюшса болбойбу. жазалоочу биз эмеспиз го.

Комментарий калтыруу үчүн өз ысымыңыз менен кириңиз же каттоодон өтүңүз.