"Манас" эл аралык аэропорту: "Ош" аба майданы тумандан улам 2 сааттай иштебей калды"

Ош аэропорту штаттык режимде иштеп баштады. Бул тууралуу бүгүн, 13-февралда "Манас" эл аралык аэропортунун басма сөз кызматынан билдиришти.

"Бүгүн, эртең менен аба ырайына байланыштуу убактылуу учактарды кабыл алуу жана учуруу токтотулган болчу. Коюу тумандан улам Бишкек-Ош багыты боюнча эки каттам кармалып, Иркутск-Ош багытынан 1 каттам Бишкекке конууга аргасыз болгон", - деп билдирди басма сөз кызматы.

Маалыматка ылайык, учурда Ош аба каттамы штаттык режимде туруктуу иштеп жатат.

Автор: Акназар Сулайманкулов
Фото: Интернеттен алынды