Президент бир катар инсандарды мамлекеттик сыйлыктар менен сыйлоо жарлыгына кол койду

Президент Алмазбек Атамбаев бир катар инсандарды мамлекеттик сыйлыктар менен сыйлоо жөнүндөгү жарлыкка кол койду. Бул тууралуу бүгүн, 5-июнда Президенттик аппараттын маалыматтык саясат бөлүмүнөн билдиришти.

Анда белгиленгендей, КРнын социалдык-экономикалык, руханий жана интеллектуалдык потенциалын өнүктүрүүгө кошкон салымы үчүн II даражадагы “Манас” ордени менен:

Мукаш Базаркулов

Кыргыз Республикасынын эл мугалими, Кыргыз Республикасынын Президентине караштуу Билим берүүнү өнүктүрүү маселелери боюнча коомдук эксперттик кеңештин мүчөсү;

Сабырбек Жумабеков

Бишкек шаарындагы травматология жана ортопедия илимий-изилдөө борборунун директору сыйланат.

Ошондой эле III даражадагы “Манас” ордени менен 5, “Даңк” медалы менен 9 инсан сыйланат. Алардын үчөө Апрель элдик революциясынын активдүү катышуучулары. “Эл сүрөтчүсү” наамы бир сүрөтчүгө берилет.

“Эл артисти” наамы төмөнкүлөргө берилет:

Келдибек Ниязов	-	Т.Сатылганов атындагы Кыргыз улуттук филармониясынын артисти;
Давлетбек Нургазиев	-	К.Жантөшев атындагы Ысык-Көл облустук музыкалуу-драма театрынын артисти, көркөм жетекчиси;
Алтынбек Сапаралиев	-	эстрада ырчысы, Кыргыз Республикасынын театралдык ишмерлер союзунун мүчөсү;
Зейнеп Шакеева	-	Т.Сатылганов атындагы Кыргыз улуттук филармониясына караштуу К.Орозов атындагы эл аспаптар оркестринин солист-вокалисти.

“Эмгек сиңирген мугалим” наамы 24 мугалимге ыйгарылат.

Мындан тышкары “Билим берүүгө эмгек сиңирген кызматкер” наамы 6 кызматкерге, “Эмгек сиңирген врач” деген наам 10 дарыгерге, “Маданиятка эмгек сиңирген ишмер” наамы 4 кызматкерге, “Айыл чарбасына эмгек сиңирген кызматкер” 6 чарбачыл инсанга, “Мамлекеттик кызматка эмгек сиңирген кызматкер” наамы 2 кызматчыга ыйгарылат. Ошондой эле 64 жаран менен 4 жеке өндүрүш ишканасы “Ардак грамота” менен сыйланат.

Автор: Илязбек Балташев
Фото: Интернеттен алынды

17:50 05-06-2017

Жазылуу

РУБРИКАДАГЫ СОҢКУ КАБАРЛАР

00:08 2025-07-10 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 1660 0

00:01 2025-07-10 | Түркүн дүйнө

Европадагы анамалдуу ысык 2 миңден ашуун адамдын өмүрүн алды 305 0

23:53 2025-07-09 | Саясат

Ташиев Салык кызматынын мурдагы жетекчисинин байлыгын айтып таң калды (видео) 1319 0

23:41 2025-07-09 | Саясат

"Бай эмеспиз жыл сайын жол жасаган..." Таластагы жолдун сапаты сынга кабылды (видео) 486 0

23:19 2025-07-09 | Түркүн дүйнө

Астанада авиабазада аскер кызматкери куралдан жаракат алгандыгы айтылууда 357 0

22:30 2025-07-09 | Саясат

АКШга визалардын мөөнөтү кыскарды. ТИМ маселе боюнча үн катты 602 0

Архив

Комментарийлер (2)

Abdyrashit.Satylganov

2017-06-05 18:19:06

Жакшы арасында Ая.а, Айы.а деген ырчылар жок экен...Абдылда, Рахман деген маданият кызматкерлерине качан бересиңер?

Aidan88

2017-06-05 20:36:04

Zeinep Shakeeva ,Keldibek Niyazov siyaktuular janydan naam alyp atyshat ,el artisti degen naamga tatyktuu kut bolsun naamynar.bir yr menen chygyp alyp ,undoru jok ,bat le syilyk algandar kancha ,

Комментарий калтыруу үчүн өз ысымыңыз менен кириңиз же каттоодон өтүңүз.