ЖЫЛНААМА, 10-ИЮНЬ: Экс-депутат Исмаил Исаков 67 жашка толду

Саясатчы, 5-чакырылыштагы КСДП фракциясынан ЖКнын депутаты Исмаил Исаков 67 жашка толду. Ал 1950-жылы 10-июнда Ош облусуна караштуу Алай районунун Сопу-Коргон айылында туулган.

Жогорку билимдүү. 1973-жылы Ташкенттеги В.Ленин атындагы жогорку жалпы аскердик командалык окуу жайын, 1978-жылы Марксизм-ленинизм кечки университетин (Венгрия), 1984-жылы М.Фрунзе атындагы Аскердик академияны (Москва), 1989-жылы “Выстрел” жогорку офицердик курсун (Солнечногорск шаары, РФ), 1996-жылы Орусия Федерациясынын Куралдуу Күчтөрүнүн Башкы штабынын аскердик академиясын, 1998-жылы Эл аралык гуманитардык укук институтун (Сан-Ремо шаары, Италия) жалпы аскердик командалык, жөө аскерлердин күжүрмөн машиналарын, бронетранспортерлорун жана автомобилдерин эксплуатациялоо, командалык-штабдык, оперативдүү-тактикалык; мамлекеттин аскердик коопсуздугу; куралдуу чыр-чатактар укугу адистиктери боюнча бүтүргөн.

1973-1978-жылдары – мотоаткычтар взводунун жана ротасынын командири (Венгрия) болуп иштеп баштаган. Андан кийин Орусия жана Украинада бир катар аскердик кызматта иштеген. 1996-жылдан тартып 1999-жылга чейин – Кыргыз Республикасынын коргоо министринин биринчи орун басары.

2000-2005-жылдары - Кыргыз Республикасынын Жогорку Кеңешинин Мыйзам чыгаруу жыйынынын депутаты, Мамлекеттик коопсуздук маселелери боюнча комитеттин төрагасы. 2001-жылы КМШ Парламенттер аралык Ассамблеясынын тышкы байланыштар, коопсуздук жана региондук өз ара аракеттенүү боюнча туруктуу комиссиясынын төрагасынын орун басары.

Ал эми 2005-жылдын мартынан тартып 2008-жылдын майына чейин - Коргоо министри, 2008-жылдын майынан тартып октябрына чейин - Кыргыз Республикасынын Коопсуздук кеңешинин катчысы, 2010-жылдын апрелинен июнуна чейин - Кыргыз Республикасынын Убактылуу Өкмөтүнүн мүчөсү – Коргоо министри, 2010-жылдын 13-майынан тартып 21-июлуна чейин Кыргыз Республикасынын Убактылуу Өкмөтүнүн Ош, Жалал-Абад жана Баткен облустары боюнча социалдык, саясий жана экономикалык кырдаалды жөнгө салуу маселелери боюнча атайын өкүлү болгон.

2010-жылдын октябрында КСДПнын тизмеси боюнча V чакырылыштагы Кыргыз Республикасынын Жогорку Кеңешинин депутаттыгына шайланган. “Генерал-лейтенант” аскердик наамы бар. Баткен жана Алай райондорунун ардактуу жараны. Ош технологиялык университетинин ардактуу профессору. Отуздан ашык илимий монографиянын жана макаланын автору.

10-июндун жылнаамасы.

Автор: Айпери Ганыжан кызы

18:07 10-06-2017

Жазылуу

РУБРИКАДАГЫ СОҢКУ КАБАРЛАР

15:45 2025-07-08 | Коом жана турмуш

Кыргызстандык окуучулар Эл аралык илимий физика олимпиадасынан байгелүү кайтышты 42 0

15:40 2025-07-08 | Коом жана турмуш

Камчыбек Ташиев Оштогу “Достук” чек ара бекетин карап чыкты (видео) 196 0

15:35 2025-07-08 | Түркүн дүйнө

Францияда Макрондун коррупциялык схемасын иликтеген депутаттын сөөгү табылды 302 0

15:26 2025-07-08 | Маданият, шоу-бизнес

“Качкын” тасмасы Кытайда өткөн кинофестивалда байгеге ээ болду 77 0

15:25 2025-07-08 | Саясат

Кылычбек Султан Пакистанга элчи болуп дайындалды 219 0

15:20 2025-07-08 | Түркүн дүйнө

Германия: DeepSeek Европа талаптарын бузуп, маалыматты Кытайга жөнөткөн 166 0

Архив

Комментарийлер (2)

Revolyutsiya2

2017-06-10 19:43:29

Жогоруда бир окурман, Ош коогаланы учурда Исаков Ысык-Колдо жургон экен, радиодон укканмын деди эле, ошол чын окшойт. 2010-жылы 10-июнда, Исаков мырза туулган кунун белгилеп колдо жургон десе мен тан калбайм...

Исаковду биротоло жаман деп айтуудан алысмын, бирок 20-май 2010-жылы Телтору ат майданында элге берген убадасынын устунон чыккан жок. Эгер ошол убакта чара коргондо, Батыровду камаганда элдин талабын аткарып, Ош окуясынын келип чыгышы кумон эле. Убадасына турбады..

Revolyutsiya2

2017-06-10 19:49:14

2010-жылы 10-июнда Исаков 60 жашка толгон экен. Менимче 60 жаш юбилейин Ысык-Колдо тосоюн деген го, туштукто абал курчуп турганда... Юбилейди ойлогуча ошол кырдаал боюнча кобурок ой толгогондо, кырдаалга туура баа бергенде, Батыров менен "жен ичинен" соодалашпай, элдин кызыкчылыгын жогору койгондо, 19-майда орун алган тополондо элге ок аткан Батыровдун баш кесерлерин камаганда Ош окуясы болмок эмес, жуздогон адам олмок эмес. Ошол маркумдардын каны "Убактылуу Окмоттун" мойнунд

Комментарий калтыруу үчүн өз ысымыңыз менен кириңиз же каттоодон өтүңүз.