Түркмөнстандын президенти туулган күнүнө асыл тукум жылкы белек кылганы үчүн Алмазбек Атамбаевге ыраазычылык айтты

Түркмөнстандын президенти Гурбангулы Бердымухамедов туулган күнүнө асыл тукум жылкы белек кылганы үчүн Алмазбек Атамбаевге ыраазычылык айтты. Бул тууралуу кечээ, 24-июлда Түркмөнстандын басылмалары жазып чыгышты.

Бердымухамедов 29-июнда 60 жашка чыкканда эки президент телефон аркылуу сүйлөшүшкөн.
Түркмөнстандын башчысы мындай белек кылгандыгы үчүн Атамбаевге ыраазычылык билдирип, бул сый жана достуктун белгиси катары баалады.
Сүйлөшүүнүн жүрүшүндө Кыргыз менен Түркмөнстандын президенттери эки өлкө ортосундагы кызматташууну өнүктүрүү тууралуу талкуулашкан. Мамлекеттер ортосундагы саясий, соода-экономикалык жана маданий-гуманитардык байланыштар жаңы тепкичке көтөрүлгөнүн айтышкан.

Ошондой эле Түркмөнстандын президенти Кыргыз мамлекетинин башчысын 17-27-сентябрда Ашхабад шаарында өтө турган V Азия оюндарынын спорттук мелдештердин ачылыш аземине катышууга чакырды.

Автор: Жылдыз Джускембаева
Фото: Интернеттен алынган