БШК Садыр Жапаровдун президенттикке талапкерлигин каттоодон баш тартты

Борбордук шайлоо комиссиясы Садыр Жапаровдун президенттикке талапкерлигин каттоодон баш тартты. Мындай чечимди БШК бүгүн, 10-августта кабыл алды.

Комиссиянын 9 мүчөсү Жапаровдун талапкерлигин алып салууга “макул” деп добуш беришсе, 3 мүчөсү “каршы” деп добуш берди.

БШКнын мүчөсү Елена Джилкичиеванын айтымында, Ички иштер министрлигинин маалыматтык борборунун жана Жогорку Соттун маалыматы боюнча, Жапаров 2013-жылы бийликти басып алууга аракет кылган деп соттолгон. "Соттолгондугу жоюлбаган учурда жаран Жогорку Кеңешке депутаттыкка жана президенттикке талапкер боло албайт", - деди Жылкыбаева.

Эске сала кетсек, 2-августта Бишкек шаарынын Биринчи Май райондук соту Садыр Жапаровду 11 жыл 6 айга эркинен ажыраткан. Өкүмгө ылайык, Жапаров "адамды өлтүрүүнү уюштуруу", "бийлик өкүлдөрүнө каршылык жасоону уюштуруу" жана "бейбаштык" беренелери боюнча толук акталды, ал эми "барымтага алуу" беренеси боюнча күнөөлүү деп табылган.

Автор: Жылдыз Джускембаева