АКШнын Кентукки штатындагы бийлик аборт жасачу жалгыз клиниканы жабууну талап кылууда

EMW аялдар борборунун алдындагы нааразылык акциясы.

АКШнын Кентукки штатындагы аборт жасачу жалгыз клиника лизенциясынан ажырап калышы мүмкүн. Бул тууралуу 7-сентябрда чет элдик басылмалар жазып чыгышты.

Бийлик өкүлдөрү аборт жасаганга шарттары начар деп клиниканы жабууну айтышкан. Азыркы тапта бул боюнча соттук процесстер башталды. Муну менен бул штат АКШдагы мыйзамдуу түрдө кош бойлуулукту токтотууга тыюу салынган аймак болуп калышы ыктымал.

EMW аялдар борбору соттон бийликтин талаптары негизсиз деп табууну суранып жатат. Соттук процесстер жүрүп жатканына байланыштуу сот клиниканын ишин токтоткон. Бирок учурда клиника иштеп жатат. Штаттын бийлиги аялдардын укуктары жана ден соолугу үчүн күрөшүп жатканын айтып жатышат. Эгер клиника жабылса 4 миллион калк жашаган штаттын жашоочулары боюнан алдыртуу үчүн башка штатка барышы керек болот.

1980-жылдан бери иштеп келе жаткан EMW аялдар борбору Луисвилл шаарында жайгашкан. Жеке менчик клиникада аялдар өз каалоосу менен кош бойлуулукту токтото алышат. Аталган борбор өзүнүн расмий сайтына жайгаштырылган маалыматта Кентукки штатынын мыйзамдарына ылайык иш алып барышканы жазылган. Мисалы, аборт жасатууну каалаган аял дарыгер менен кеңешет, ага түйүлдүктүн жүрөк согушу, эмбриондун көрүнүшү көрсөтүлөт.

2017-жылдын башында штатта эки клиника иштеп жаткан. Лексингтон шаарындагы клиника жергиликтүү бийликтин басымынан кийин жабылган.

Ушундай эле кырдаал башка штаттарда да кездешип жатат. Түндүк жана Түштүк Дакота, Миссисипи, Миссури, Вайоминг жана Батыш Виргиния штаттарында бирден клиника калган. Жергиликтүү бийлик акыркы жылдары абортко байланыштуу мыйзамдарды өзгөртүшүп, клиникалар жабылууга мажбур болушууда.

Автор: Айпери Ганыжан кызы

12:21 08-09-2017

Жазылуу

РУБРИКАДАГЫ СОҢКУ КАБАРЛАР

15:47 2025-07-14 | Түркүн дүйнө

Футбол жылдызы Ямал туулган күнүндө эргежээлдерди жалдаган деп айыпталууда (видео) 183 0

15:32 2025-07-14 | Коом жана турмуш

Оштун мэри Көк-Жаңгакта салынган эки үйгө "эки дос" деген аталыш ыйгарды 274 0

15:18 2025-07-14 | Коом жана турмуш

Орунбеков: "Быйыл 32 жаңы медициналык имарат курулуп жатат" 154 0

15:04 2025-07-14 | Коом жана турмуш

Кара-Жыгач - Сары-Челек жолунун 6 чакырымы асфальтталат 209 0

15:00 2025-07-14 | Кылмыштар, кырсыктар

Ысык-Көлдө наркы 44 миллион сомдон ашык жер тилкелери мамлекетке алынды 183 0

14:50 2025-07-14 | Коом жана турмуш

Ош облустук балдар ооруканасынын жетекчиси кезек күтүүлөр боюнча түшүндүрмө берди 457 0

Архив

Комментарийлер (3)

AKCAHAT

2017-09-08 14:28:01

1 штатта 1 клиника бизде бир эле шаарда 10дон ашык клиника бар, кааласа алдырат кааласа таштап кетет)))

Ayida

2017-09-08 16:22:38

Кана баардык жерде баланы алдырганга тыю салса.Алган адам камалат алдырган дагы десе

Ayida

2017-09-08 16:25:50

Коп кыздар балдардын никесиз байланышка баруусуна тоскоол болмок жана куноодон да тосот эле болбосо тообо кунуно коп алдырат баланы.врачтар корунойун деп барсан алдырасынбы дейт жок тороймун десен туруп тур кут деп башкасынын баласын алып акчасын алып анан келип корот.ал кыз дагы беймарал эч нерсе болбогондой кете берет тообо

Комментарий калтыруу үчүн өз ысымыңыз менен кириңиз же каттоодон өтүңүз.