Бириккен улуттар уюмунун Өзгөчө кырдаалдарга көңүл буруу фондунан Мьянмадан чыккан качкындарга жардам катары 7 миллион доллар бөлүнөт.
Бул тууралуу БУУнун башкы катчысынын гуманитардык маселелер боюнча орун басары Марк Лоукок билдирген.
Маалыматка караганда, фонд кошумча качкындар лагери жана азык-түлүк берет. Ошондой эле медициналык жардам көрсөтүлөт.
Мындан сырткары Марк Лоукок качкындарга гуманитардык жардам көрсөтүп, алардын коопсуздугун камсыз кылууга чакырды.
Мьянмадагы аскер кызматкерлери Ракхайн штатында ислам согушкерлерине каршы операцияларды жүргүзүүдө. Расмий маалыматтар боюнча 400дөй адам каза болгону айтылып жатат. 146 миңден ашуун адам Мьянмадан чыгып Бангладешке кеткен.