Интернетке Жогорку Кеңештин депутатынын айынан учак бир саатка кармалганы боюнча маалымат чыкты. Депутат жооп берди

Кечээ, 14-сентябрь күнү Бишкек-Ош каттамы боюнча "ТезЖет" DJ -117 аба каттамындагы учак өз убагында учпай, бир саат кармалгандыгы боюнча интернет колдонуучулар социалдык түйүндөргө жазышкан. Анда Жогорку Кеңештеги КСДП фракциясынан депутат Искендер Матраимовдун мас абалында болуп, мындан улам учак кеч учканы айтылган.

"Бишкек-Ош каттамы боюнча "ТезЖет" DJ -117 аба каттамындагы учак 14-сентябрда саат 19:45те учмак. Бирок учак бир саатка кеч учту. Мунун баарына бир адам күнөөлүү болду. Бүтүндөй жүргүнчүлөр бир адамды күтүүгө аргасыз болдук. Бир сааттан кийин Жогорку Кеңештин депутаты Искендер Матраимов мас абалында келди. Учактын салонунун жарымы жаш балдар болгондуктан алар ачка, чарчап ыйлашты. Качан бул баш аламандык токтойт, бул мыйзамсыздыктарды тескөөчүлөр болобу?" - деп суроо салган интернет колдонуучу Дамира Акунова.

Ал эми "Манас" эл аралык аэропортунун маалымат кызматы бул маалыматты төгүндөп, учак салонду тазалоо иштерине байланыштуу 26 мүнөткө кармалганын билдирди.

"Учак бир саат эмес 26 мүнөт кармалган. Бул учактын салонун тазалоо иштерине байланыштуу болгон. Жургүнчүлөрдүн баары кечикпестен өз убагында эле келип каттоодон өтүшкөн. Каттамдын кечигиши депутат Искендер Матраимовдун кеч келишине байланыштуу эмес", - деп билдиришти аэропорттон.

Депутат Матраимов 14-сентябрь күнү Бишкек-Ош каттамы боюнча "ТезЖет" DJ -117 аба каттамы менен учканын ырастап, сүрөттөгү да өзү экенин айтты. Бирок эл өкүлү 15 жылдан бери спирттик ичимдигин ичпей калганын жана учакка каттоодон 40 мүнөт мурда барганын айтты.

"Мен спирт ичимдигин такыр ичпегениме 15 жыл болду. Өзү учакка дайым 40 мүнөт эрте барам. 14-сентябрь күнү да эрте барып аэропортто күтүү залында турдум. Кийин депутат Жыргалбек Калмаматов келди. Экөөбүз 40 мүнөттөн ашуун сүйлөшүп турдук. Аэропорт кызматкерлеринен эмнеге кечигип жатканын сураганыбызда, техникалык себептерге байланыштуу дешти. Андан кийин 20 мүнөттөрдө учакка отурдук. Мен отургучка отурганда эле телефондо интернеттеги маалыматтарды окуп жаткам. Ошол кезде сүрөткө тартып калышыптыр. Саясат өз жолунда, бирок мынчалык деңгээлде бирөөнү каралоо адамгерчиликке сыйбаган иш", - деди депутат Матраимов.

Автор: Мунарбек Жоргомов

12:49 15-09-2017

Жазылуу

РУБРИКАДАГЫ СОҢКУ КАБАРЛАР

22:04 2025-07-14 | Саясат

Жапаров мамлекеттик башкаруу академиясынын модернизациялоо пландары менен таанышты 5 0

21:37 2025-07-14 | Саясат

Жогорку Кеңешинин мурдагы депутаты Өмүрбек Абдрахманов дүйнөдөн кайтты 483 0

21:22 2025-07-14 | Түркүн дүйнө

Испанияда баасы бир бөлмөлүү батирге тете сыр сатылды 306 0

21:04 2025-07-14 | Спорт

Улуттук кураманын чабуулчусу Жоэл Кожо өзбекстандык клубга өтөт 285 0

20:35 2025-07-14 | Түркүн дүйнө

АКШ Украинага JASSM канаттуу ракеталарын берүү маселесин карап жатат 442 0

20:13 2025-07-14 | Саясат

Садыр Жапаров "Ала-Тоо Резорт" тоо-лыжа кластерин куруу боюнча жумушчу кеңешме өткөрдү 218 0

Архив

Комментарийлер (15)

Nazar76

2017-09-15 12:54:55

Сдпкнын депутаттарынан любой нерсе күтсо болот болгону матраимовко сөгүш жарыялап койот кайра эле талтандап жүрө берет сдпкчылар

+19

Janybekleilekkg

2017-09-15 12:56:57

Кимге ишенериндида билбейсин,баары эле апапакбы же кулака лапшаны жакшы илеби

suiutbekov1989

2017-09-15 13:01:38

Эл айтса, калып айтпайт!

+21

FIFA17

2017-09-15 13:01:41

Вай блииин, жүргүнчүлөр ачыгын айтып жатса да бул эки жүздүүлөр моюндарына алышпайтко).

+21

Bekzamann

2017-09-15 13:01:44

Матраимовдорго болгон каралоо бул. Кантип эле мас абалында учака чыкмак эле.

-15

Patriot7

2017-09-15 13:11:47

Bekzamann, бул каралоо эмес!!! Депутаттар мас абалында самолетко биринчи жолу чыгып жатышыптырбы?!!

Же депутаттар самолет айдайт деп ойлодун беле?!!

+15

Patriot7

2017-09-15 13:16:11

Ушул Матраимовдор тажатты да!!! Кимге ишенип жатат?!! Бакандай болгон 5 бир тууганынабы же Аташкасынабы?!! Кыскасы мага десе доо болсо да ордуна коюп коюга убакыт жетти!!!

Бул жепжутардын айынан калп айткан аэропорт жетекчилерин да иштен бошотуу керек!!!

Качантан бери учууга убактысы келген самолеттун салону тазаланат?!! Качантан бери самолеттун бортунда жургунчулор боло туруп салон тазаланып самолет ондолот?!! Калпты да окшоштуруп айтканды билишпейт!!!

+24

Melis2014

2017-09-15 13:27:39

Создун кыскасы башаламан кыргызстанда атамбайдан баштап бары жалган суйлошот калптын казаны кайнабайт дегендей КСПД партиясын козун май басты карпайым елге кыйын болду жашоо шакалдар

+12

aerforce

2017-09-15 13:28:06

тез жет тез жеткизбептирда

-4

ady-88

2017-09-15 13:39:56

Бул жепжутат райым миллиондун биртууганы албетте талтандайт да. Болгондо да сдпк партиясынын жепжутаты экен.

almanbetperm

2017-09-15 13:42:40

Сразу каралоо деп жооп беришет булар деген прям апппак

+13

Azatbek83

2017-09-15 13:53:46

Бул жакшы иш эмес суротунон билинип турат уктап жатат.Темадан башка мен билгенден бери 2007 жылдан азыркы убакытка чейин Москва-Ош Ош-Москва Бишкек-Москва Москва-Бишкек качан корсон болбоду дегенде эн азы эки жарым саат кечигип учушат канча деген жаш балдар бар ошону да жооп беруучу жактарга кайрылып чечип койсо жакшы болмок.

Gema

2017-09-15 14:56:28

Жон эле каралоонун эмне кереги бар?кантип эле учак бир адам учун ошончо кутуп кармалсын

-6

kenjebek_a

2017-09-15 16:15:51

СДПК дегенде жалан убал кесирден коркпогон пенделер эске келчу болду.

samash2442

2017-09-15 16:48:55

Телефон кармабай эле уктап атат го

Комментарий калтыруу үчүн өз ысымыңыз менен кириңиз же каттоодон өтүңүз.