Ош шаарындагы билим берүү мекемелеринин кызматкерлерине мамлекеттик тилде иш кагаздарды туура жазуу үйрөтүлөт

Ош шаарындагы бала бакчалардын жана мектептин кызматкерлери үчүн "Мамлекеттик тилде иш кагаздарын сабаттуу жүргүзүү" деген темада семинар-тренинг өтөт. Бул тууралуу маалыматты SUPER.KG порталына бүгүн, 11-мартта Ош шаардык билим берүү башкармалыгынын мамлекеттик тил боюнча жооптуу адиси Тынчтыкбек Досмуратов билдирди.

Маалыматта айтылгандай, семинар шаардагы №42-Керме-Тоо мектеп-гимназиясынын базасында өтүп, ага жалпысынан 300дөн ашуун окутуучулар катышат.

"Бул семинар 12-март күнү Билим берүү башкармалыгынын жылдык планынын негизинде өтөт. Чынында мамлекеттик тилди өнүктүрүү үчүн түрдүү иш-чаралар өткөнү менен, мамлекеттик иш кагаздарды сабаттуу толтуруу маселеси чечилбей келет. Андыктан бул семинарга катышкан окутуучуларга бул тууралуу көптөгөн маалыматтар берилет", - дейт Досмуратов.

Автор: Кызжибек Раимова