Бүгүн Жогорку Сот Аида Салянованын ишин карайт

Бүгүн, 8-майда Жогорку Сотто экс-депутат Аида Салянованын иши каралат. Буга чейин Салянованын адвокаты Чынара Жакупбекова ооруп, сотко келе албаганына байланыштуу соттук отурум 3-майдан бүгүнкү күнгө саат 14:00гө жылдырылган болчу.

Айта кетсек, Салянова "юстиция министри болуп турганда кылмыш жасаганы үчүн издөөдө жүргөн Алексей Елисеевдин адвокаттык лицензиясын узарткан" деп айыпталып, 2017-жылдын 10-октябрында Ленин райондук соту тарабынан күчөтүлгөн тартипте 5 жылга эркинен ажыратылган. Сот өкүмү анын 2 жаштагы наристеси 14 жашка толгондо күчүнө кирет.

Быйыл 7-февралда Бишкек шаардык соту Саляновага карата чыгарган райондук соттун чечимин күчүндө калтырган. Буга байланыштуу Салянова өз каалоосу менен депутаттык мандатын тапшырган.

Автор: Бактыяр Кыдыралиев