Малик Осмонов: "Шайлоо - аза күтүү иш-чарасы эмес, а майрам"

ЖКда "Республика" фракциясынын депутаты Малик Осмонов шайлоо алдында "Республика" партиясын каралоо иштери болуп жатканын айтып чыкты. "Республика" партиясын шайлоо алдында каралоолор болуп жатат. Мисалы, Өмүрбек Бабановдун Путин, Назарбаев менен бирге түшкөн сүрөтүн сындап чыгышты. Нурсултан Назарбаев - казак элинин таалайына бүткөн Чолпон жылдыз. Владимир Путин - бизге ата-бабадан бери жардам берип келе жаткан улуу өлкөнүн президенти. Алар менен Өмүрбек Бабанов сүрөткө түшүп койсо эмне экен? Кыргыздын пайдасы үчүн түшкөн да. Ат майданда ат оюндарын өткөрсөк, аны да сындашууда. Шайлоо - аза күтүү эмес, а майрам. Элдин маанайын көтөрөлү деп оюн-зоок уюштурдук",- дейт Осмонов.

Автор: Автандил Добулбеков