Жогорку Кеңеште Чернобыль кырсыгына катышкан депутаттар жок

Жогорку Кеңеште Чернобыль кырсыгына катышкан депутаттар жок экенин ЖКнын басма сөз кызматы билдирди. “Баланын укуктарын коргоочулар лигасы” коомдук бирикмесинин жетекчиси Назгүл Турдубекова үстүбүздөгү жылдын 5-июлунда Калкты социалдык жактан коргоо маселелери боюнча координациялык кеңештин жыйынында парламент депутаттары чернобылчы жана ооганчы катары социалдык жөлөк пул алып жатышканын билдирген. Жогорку Кеңеште чернобылчы депутаттар жок. Ал эми Ооган согушунда интернационалдык милдетти аткарышкан депутаттар Нурлан Төрөбеков, Кожобек Рыспаев жана Кенжебек Бокоев Жогорку Кеңештин ведомосту боюнча социалдык жөлөк пул алышпайт. Жогорку Кеңештин басма сөз кызматы укук коргоочуларды расмий жыйындарда маалымат айтуунун алдында аны дааналап текшерүүнү өтүнөт”,- деп жазылган билдирүүдө.

Автор: Ширин Жумадилова