Бишкекте Мамлекеттик каттоо кызматынын паспорт иштери менен алектенген жаңы бөлүмү ишке кирди

Тейлөө бөлүмдөрү. Паспорт маселеси боюнча тургундар каттоосу кайсыл аймакта экендигине карабай бул жерге кайрыла алышат

Бөлүмдүн ичи толук капиталдык оңдоодон өткөрүлгөн

Кардарлар үчүн кеңири маалымат тактасы илинген

Кардарларды тейлөө үчүн түзүлгөн шарттар

Кардарлар үчүн түзүлгөн шарттар

Бөлүм менен таанышуу

Тайырбек Сарпашев бөлүмдүн ичин кыдырып, түзүлгөн шарттар менен таанышты

Э.Сапарбаев вице-премьер-министрди бөлүмдүн ичи жана кандай багытта иш алып барары менен тааныштырды

Кызыл тасма кесүү аземи

Кызыл тасма кесүүнүн алдында Мамлекеттик гимн жаңырды

Бөлүмдүн ачылышына келген коноктор

Вице-премьер-министр Тайырбек Сарпашев: "Эми аймактардан келген жарандар убара болушпайт"

Бөлүмдүн ачылышы Мамлекеттик каттоо кызматынын төрагасы Эрлан Сапарбаевдин сөзү менен башталды

Бүгүн, 12-июлда Бишкек шаарында Мамлекеттик каттоо кызматынын Калкты жана жарандык абалдын актыларын каттоо департаменти Бишкек шаарында паспорттук-визалык жана каттоо иштер бөлүмүн ишке киргизди. Өлкөдө биринчи жолу ишке киришип жаткан мындай бөлүмдүн ачылышына вице-премьер-министр Тайырбек Сарпашев катышып, бул аракет алыскы аймактардан келген жарандарга жаралган ыңгайсыздыктарды жоюуга шарт түзөрүн белгиледи. Бул бөлүмдүн негизги милдети - республиканын алыскы аймактарынан келип, Бишкек шаарында жашап жаткан жарандарга кызмат көрсөтүү. Андай жарандардын көп жылдан берки паспорт маселесиндеги кыйынчылыктарга чекит коёт. Себеби буга чейин паспортун жоготуп алгандар же паспортунун мөөнөтү өтүп кеткендер жаңы паспорт алуу үчүн сөзсүз каттоодо турган жериндеги паспорт берүүчү органдарга гана кайрылышы керек болчу. Эми алар бул жерден паспортун калыбына келтирсе болот. Аталган бөлүмдүн дареги Бишкек шаарындагы Чолпон-Ата №2 дарегинде жайгашкан.

Автор: Ширин Турдакунова
Фото: Ширин Турдакунова