Бишкекте төрөлгөн үч эмдин ата-энесине Свердлов райадминистрациясы жардам берди

Бактылуу үй-бүлө конокторду жылуу маанайда узатышты

Эгерде жардам керек болсо, бул үй-бүлө Социалдык өнүктүрүү башкармалыгына кайрылышса болорун акимдин орун басары айтты

Бактылуу энеге берилген гүлдөр

Коноктор даам ооз тийүүдө

Ымыркайларга белекке кийимдер берилди

Үч эмдүү болгон үй-бүлөгө жардам катары 58 миң сом акча тапшырылды

Үч эмди жарык дүйнөгө алып келген Назира Камиловага гүл берилди

Свердлов районунун акиминин орун басары белек тапшырууда

Аяна, Диана, Раяна кызуу уйкуда

Үч эмдин апасынын кубанычында чек жок

Раяна таттуу уйкуда

Ымыркайларга берилген белектер

6 уул кыздуу болгон бактылуу ата-эне

"Балдарымдын ден-соолугу учурда жакшы" дейт апасы

Ымыркайлар таттуу уйкуда

Үч эмге Аяна, Диана, Раяна деген ысым коюлуптур

Ымыркайларга белекке кийимдер берилди

Бир бөлмөлүү батирдин кире бериши

Бир короонун ичинде 3 эмдин ата-энесинен сырткары 6 үй-бүлө батирде ижарада жашайт

Үч эмдин ата-энеси ушул үйдө айына 3000 сом төлөп жашашат

Бүгүн, 18-июлда Бишкек шаарында 5-июлда жарык дүйнөгө келген үч эмдин үй-бүлөсүнө Свердлов райондук администрациясы жардам көрсөттү. Үч эмдин ата-энесине 58 миң сом акчалай жардам, 3 кызга кийим жана кийим жыйноочу шкаф берилди. Бул үй-бүлөнүн бул жаңы төрөлгөн ымыркайлардан башка 1, 3, 5 жаштардагы балдары бар. Ымыркайларга Аяна, Диана, Раяна деген ысымдар ыйгарылыптыр. Кыздардын апасы Назира Камилова кубанычын жашырган жок: “Балдардын абалы жакшы, көрсөтүлгөн жардам үчүн ыраазычылык билдирем. Учурда бир бөлмөлүү батирде айына 3000 сом төлөп жашайбыз. Жолдошум "Дордой" базарындагы кафелердин биринде ашпозчу болуп иштейт. Тапкан акчасы тамак-ашка араң жетет. Эми, Кудай буюрса, батир алганга керектүү документтерди топтоп, кезекке турабыз”- деди ал. Ал эми Свердлов районунун акиминин орун басары Чынара Бөрүбашева төмөнкүлөрдү билдирди: “Бул үй-бүлөдөгү улуу 3 баласын бала бакчага орноштурууга жардам көрсөтөбүз, ошондой эле аптасына 2 жолу бекер сүт берилип турмакчы. Ал эми батир маселеси кезекке турганына жараша болот. Мындан ары дагы тиешелүү социалдык жардамдарды көрсөтүп турганга аракет кылабыз”.

Автор: Ширин Жумадилова
Фото: Ширин Жумадилова