ЖЫЛНААМА, 14-ФЕВРАЛЬ: Экс-мэр Кубанычбек Кулматов 56 жашка толду

Бишкек шаарынын экс-мэри Кубанычбек Кулматов 1963-жылы 14-февралда туулган. Ал 1982-жылы Кыргыз мамлекеттик университетинин тарых факультетин аяктаган. 1986-жылы Ленинград мамлекеттик университетинен тарых адистиги боюнча бүтүргөн. Ал эми 2003-жылы Кыргыз мамлекеттик педагогикалык университетинин менеджмент факультетин аяктаган.

1986-1988-жылдары Кыргыз мамлекеттик университетинде тарых илимдер кафедрасынын мугалими;

1988-1992-жылдары Москва мамлекеттик университетинин аспиранты;

1992-1995-жылдары "Айлатан" фирмасынын директору;

1996-жылы Орусиянын Даниядагы соода өкүлчүлүгүнүн ага инженери;

2004-жылы Каржы министрлигине караштуу Бажы кызматы департаментинин кирешелер комитетинин кирешелер башкармалыгынын башчысы;

2004-2005-жылдары аталган департаменттин кирешелер комитетинин директорунун орун басары;

2005-2006-жылдары өкмөткө караштуу мамлекеттик бажы инспекциясынын директорунун орун басары;

2006-2007-жылдары аталган инспекциянын директорунун кеңешчиси;

2007-жылдары Мамлекеттик бажы комитетинин төрагасынын биринчи орун басары;

2010-жылы Мамлекеттик бажы комитетинин төрагасы;

2013-жылы президенттин кеңешчиси;

2013-жылы өкмөттүн Чүй облусундагы толук ыйгарым укуктуу өкүлү;

2014-2016-жылдары Бишкек шаарынын мэри;

2016-2017-жылдары Кыргыз-Орус өнүктүрүү фондунун төрагасы;

2017-жылдын сентябрь айынан декабарга чейин Улуттук банктын төрагасы;

2017-жылдын декабрь айынан тарта 2018-жылдын майына чейин Мамлекеттик бажы кызматынын башчысы болгон.

Былтыр 18-майда Кубанычбек Кулматовго карата "коррупция" беренеси боюнча кылмыш иши козголгон. Мунун алкагында ага 2014-жылы Бишкек шаарынын мэри болуп турган кезде Калыс-Ордо конушундагы мектеп жана бала бакчага бөлүнгөн акчаны мыйзамсыз колдонгон деген айып тагылган. 5-июнда ал УКМК тарабынан камакка алынган.

14-февралга карата жылнаама.

Автор: Жылдыз Джускембаева