Турсунбек Акундун иштөө мөөнөтү аяктап баратканына байланыштуу Жогорку Кеңеш КРнын Акыйкатчысынын кызматына сынак жарыялады

2013-жылы февраль айында акыйкатчынын иштөө мөөнөтү аягына чыгат. Ушуга байланыштуу Жогорку Кеңеш акыйкатчынын кызматына талапкерлерди кабыл алуу үчүн сынак жарыялады. Кошумчалай кетсек, акыйкатчы 5 жылга шайланат. Катышам деген талапкер башка өлкөнүн жарандыгын албаган, бир гана Кыргызстандын жараны болушу абзел. Ошондой эле жаш курагы 65тен ашпаган жана 30дан кем болбой, бир да жолу сот жообуна тартылбаган жаран болушу керек. Талапкерлерге добуш берүү 2013-жылы январь айында өтөт.

Автор: Айдай Асанбекова