Каржы министри Ольга Лаврова: "2013-жылы мектепке чейинки билим берүү мекемелерин каржылоону жогорулата албайбыз"

Учурда ЖКда "Ар бир балага жеткиликтүү жана сапаттуу билим берүү!" аталышындагы парламенттик угуу өтүүдө. КРнын Каржы министри Ольга Лаврова 2012-жылы мектепке чейинки билим берүү мекемелерин каржылоо 70 пайызга жогорулаганын билдирди. Министрдин айтымында, аталган тармактагы мекемелерде 80 миң бала бар. "2010-жылы билим берүүнү каржылоого 12,8 миллиард сом бөлүнсө, 2012-жылы 21,5 миллиард бөлүнгөн. Анын ичинен мектепке чейинки билим берүү мекемелерине 2010-жылы 1 миллиард каражат бөлүнсө, 2012-жылы 1,7 миллиард бөлүнгөн. Белгилүү себептерден улам 2013-жылы аталган мекемелерди каржылоону жогорулата албайбыз",- деди Лаврова.

Автор: Автандил Добулбеков