Өкмөт башчы бир катар акимдерди кызматтан бошотту

Бир катар акимдер кызматтарынан бошотулду. Тийиштүү жарлыкка премьер-министр Мухаммедкалый Абылгазиев кол койду. Бул тууралуу өкмөттүн басма сөз кызматы билдирди.

15-февралда өкмөттүн жыйынында жергиликтүү мамлекеттик администрациялардын бир катар жетекчилерине сөгүш берилип, бир нече жетекчини кызматынан бошотуу сунушталган. Буга 2018-жылда аймактарды өнүктүрүү иш-чараларынын алкагында пландалган иштер чала аткарылып, максатына жетпей калганы себеп болгон.

Кызматтан кеткен акимдердин тизмеси:

Чүй облусунун Москва районунун мамлекеттик администрация башчысы, аким Азамат Эсенбеков;
Чүй облусунун Кемин районунун мамлекеттик администрация башчысы, аким Жумгалбек Дүйшебаев;
Жалал-Абад облусунун Аксы районунун мамлекеттик администрация башчысы, аким Масалбек Мырзамамытов;
Жалал-Абад облусунун Токтогул районунун мамлекеттик администрация башчысы, аким Майорбек Сатымкулов;
Ысык-Көл облусунун Ак-Суу районунун мамлекеттик администрация башчысы, аким Улан Доконбаев;
Ысык-Көл облусунун Тоң районунун мамлекеттик администрация башчысы, аким Таалайбек Ажиев;
Жалал-Абад облусунун Ноокен районунун мамлекеттик администрация башчысынын биринчи орун басары Каныбек Камбаралиев.

Ошону менен катар эле министрлик жана мекемелердин айрым жетекчилерине сөгүш жарыяланып, эскертүү берилген.

Сөгүш жарыялангандардын тизмеси:

Экономика министри Олег Панкратов;
Билим берүү жана илим министри Гүлмира Кудайбердиева;
Инвестицияларды илгерилетүү боюнча агенттигинин директору Шумкарбек Адилбек уулу;
Маданият, маалымат жана туризм министрлигинин статс-катчысы Бактыбек Секимов;
Билим берүү жана илим министринин орун басары Надира Жусупбекова;
Архитектура, курулуш жана турак жай, коммуналдык чарба мамлекеттик агенттигинин директору Бактыбек Абдиев.

Эскертүү алган министрлик жана мекемелердин жетекчилеринин тизмеси:

Саламаттыкты сактоо министри Космосбек Чолпонбаев;
Экологиялык жана техникалык коопсуздук мамлекеттик инспекциясынын директору Жолдошбек Жунушев;
Миграция мамлекеттик кызматынын төрагасы Болотбек Ибраимжанов;
Милдеттүү медициналык камсыздоо фондунун төрагасы Марат Калиев;
Айлана-чөйрөнү коргоо жана токой чарба мамлекеттик агенттигинин директору Абдыкалык Рустамов.