Ишкерлер туристтик сезондун начар болуп жаткандыгынын 3 себебин айтышты

Чолпон-Ата шаарында вице-премьер-министр Тайырбек Сарпашев менен болгон жолугушууда жеке ишкерлер быйылкы туристтик сезондун начар болуп жаткандыгынын 3 себебин айтышты. Алар: сезон башталганда Ысык-Көлдөгү көрсөтүлүүчү кызматтардын бааларынын жогорулугу, аймактарда күндүн суук болушу, Тамга айылында жана Чолпон-Ата шаарында болгон митингдер. Ошондой эле алар быйыл былтыркы жылга салыштырмалуу өлкөгө туристтердин келиши 2,5 эсеге аз экенин айтышкан. Туристтердин мындай начар келиши 2010-жылы болгонун белгилешкен.

Автор: Ширин Жумадилова