Ош шаарындагы Автотоктомолор, автокоюу жана автогараж дирекциясынын жетекчиси Жаныбек Маматовго сөгүш жарыяланды

Бүгүн, 25-июлда Ош шаарынын мэри Мелис Мырзакматов шаардагы Автотоктомолор, автокоюу жана автогараж дирекциясынын жетекчиси Жаныбек Маматовго сөгүш жарыялады. “Комиссия дирекциянын ишмердүүлүгүн текшерүү учурунда унаа токтоткондугу тууралуу бир күндө шаар боюнча 3 гана дүмүрчөк берилгендиги аныкталган. Мындай абалда шаардын бюджети кантип толот? Унаасын токтоткон адамдан сиздин дүмүрчөгүңүз кайда деп сураганда, көпчүлүгү анын бар экенин да билишкен эмес”,- деди шаар башчысы. Мырзакматов Ош шаары боюнча экономикалык кылмыштуулук менен күрөшүү башкармалыгынын жетекчисине кайрылып, буга тиешеси бар күнөөлүүлөрдү териштирип, аларга чара кабыл алууну тапшырды.

Автор: Ширин Турдакунова