Ош. Жергиликтүү жашоочулар ОшМУнун бир корпусун бала бакча кылабыз деп талашууда

Ош шаарынын Аскар Шакиров көчөсүнүн жашоочулары мурдагы бала бакчанын имаратын кайтарып берүү талабы менен шаар жетекчилигине кайрылышты. Жашоочулар талап кылып жаткан имарат учурда Ош Мамлекеттик университетинин Бажы-юридикалык колледжи. Жашоочулардын айтымында, бала бакча 1992-жылы 120 балага ылайыкташтырылып курулган. Кийин мекеме ОшМУга сатылып кеткен. “Учурда биздин райондо бала бакча жок, балдарыбызды башка бала бакчалар кабыл албай жатышат. Айла жоктон иштебей, үйдө бала карап отурабыз”,- дешет тургундар.

Автор: Элира Чынтемир кызы