Бир керебетте 4-5тен бала, батпай калгандары жерде жаткан бала бакчанын директору эмнеге андай болгонун түшүндүрдү

Социалдык тармактарга бир керебетте 4-5тен, калганы полдо уктап жаткан балдардын видеосу тарап, кечээтен бери кызуу талкууга алынууда. Бул бала бакча Бишкектеги №1 "Шоола" балдар бакчасы экенин уккан ата-энелер бүгүн бала бакчанын жанына чогулушуп арыз-муңдарын билдиришти. Бул боюнча комментарий берүүнү каалабаган директор акыры дарбазадан чыгып, окуянын чоо-жайын түшүндүрүүгө аракет кылды.

Бала бакчанын директору Айнагүл Мадылбаева алгач башкармалыктан уруксат бермейинче жооп бербейм деп, кийин эмне себептен улам балдар андай шартта уктап жатканын SUPER.KG порталына айтып берди.

"Учурда бул видео боюнча текшерүү иштери жүрүүдө, анын жыйынтыгы чыкмайынча эч кандай комментарий бере албайм. Мындай нерсе буга чейин болгон эмес. Орто тайпадагы балдардын уктоочу бөлмөсүндө сырдалган жерлери кургабай калган. Мындан улам балдар башка тайпадагы балдар менен бирге жаткырылган болчу. Бала бакча 320 балага ылайыкталган",- деди ал.

Бала бакчанын директору мындан башка суроолорго жооп бербей, дарбазасын бекитип кирип кетти. Ичине кирип тартуу иштерин жүргүзүүгө да макулдугун берген жок.

Бала бакчанын кызматкеринин маалыматына ылайык, учурда прокуратура жана башка мекемелер тарабынан текшерүү иштери жүрүүдө.

Окуянын чоо-жайына кайрылсак:

Кечээ интернетте бала бакчада 50гө жакын бала бир бөлмөдө, бир керебетке 4-5тен узун-туурасынан жатканы тартылган видео тараган. Кээ бири батпай калып, полдо уктап жаткандары да бар. Тасма Бишкектеги №1 "Шоола" балдар бакчасында тартылганы аныкталган.

Бир керебетте 5тен бала жаткан бала бакчанын директору комментарий берүүдөн баш тартты

Бир керебетте төрттөн уктаган балдар. Ата-энелер нааразы. Бала бакча жетекчилиги эмне дейт?

Автор: Мальвина Уметбекова
Фото: Мальвина Уметбекова

20:25 24-04-2019

Жазылуу

РУБРИКАДАГЫ СОҢКУ КАБАРЛАР

21:08 2026-05-01 | Маданият, шоу-бизнес

Айпери Кулбаева: "Фонограмма менен ырдап коюу оңой эле" 307 0

17:25 2026-05-01 | Кылмыштар, кырсыктар

Ноокаттагы селден улам 80 үй жарыксыз калды 913 0

16:56 2026-05-01 | Коом жана турмуш

"Таарынбаңыздар". Садыр Жапаров губернаторлордун кыдыруусу 11-майдан тарта башталарын билдирди 1470 0

16:44 2026-05-01 | Коом жана турмуш

Гүлчө шаарын сел кесепеттеринен тазалоодо жаңы техникалар колдонулду 567 0

15:52 2026-05-01 | Коом жана турмуш

Нарында койдун жүнүн, топоздун тыбытын экспорттоочу ишкана ачылды 511 0

15:33 2026-05-01 | Коом жана турмуш

Кугунтуктоого, аңдууга карата жаза чегерүү сунушталууда 640 0

Архив

Комментарийлер (8)

uli1234

2019-04-24 20:55:32

Ар бир баладан 5000 минден чотоко сала берип быкыйып кеткенго аябай эле

Nurbelek.

2019-04-24 21:10:48

Элдеда айып бар, "Бала толуп калды албайбыз" дешседа, "Бир нерсе кылыңызчы" деп акча берип болсода киргизишет.

Baicho_0707

2019-04-24 21:10:55

Бала бакчанын директорунун кебетесин кордунор да! А эмнеге балдар барда краскалашат, зыйан да. Чо та! Ушул жери окшошпой калды?!

senchi

2019-04-24 21:18:05

Иштен алгыла семирип кетиптир

Leilek91

2019-04-24 23:07:09

Красаканы жайкы эс алууда кылатда тоок мээлер

pat12

2019-04-24 23:21:32

Тайпа дебей эле 1-топ же экинчи 2-топ деп айтылат го.

-3

topi

2019-04-25 08:24:35

pat12,кыргызсы тайпа болот кок мээ

binur5

2019-04-25 12:29:56

менин балам барган бала бакча да ремонт журуп аткан экен 3 кунго жапты, убактылуу иштетпей турсанар ата энелер деле тушунмок байкуш балдарды полго жаткырып койгонсунар же калын кылып тошончулорду салбаптырсынар жанында тошоктор жыйылып турат ошолордон калындатып салбайсынарбы балдар жотолуп атат курсулдоп

Комментарий калтыруу үчүн өз ысымыңыз менен кириңиз же каттоодон өтүңүз.