Талас. Облус башчы 3 жылда аткарылган иштер боюнча маалымат берди

Облус башчынын маалыматы 3 жыл ичинде аткарылган иштерди баяндаган сюжет менен башталды.

Жыйындын катышуучулары

Жыйынга облус башчынын орун басарлары Байышбек Жуманазаров, Рыскелди Ботиков жана башкалар катышты

Өкмөттүн облустагы ыйгарым укуктуу өкүлү 2010-2013-жылдар аралыгындагы жасалган иштерди баяндап берди

31-июлда өкмөттүн Талас облусундагы өкүлү Койсун Курманалиева 2010-2013-жылдар аралыгында аткарылган иштери тууралуу маалымат берди. Анда ыйгарым укуктуу өкүл буларга токтолду: “3 жыл ичинде Талас облусунда жакшы да, жаман иштер да болду. Унаа жолдору оңдолду, коңшу Казакстандын Жамбыл облусундагы “Орталык” базарынан Талас эли үчүн бекер орундар берилди. Ошондой эле 2010-жылы болгону 14 бала бакча болсо үстүбүздөгү жылы анын саны 34кө жетти. Мындан тышкары өкүлчүлүктүн түздөн-түз демилгеси менен райондорго тапшырмалар берилип, жашылдандыруу мурдагыга салыштырмалуу жогорку деңгээлде ишке ашып жатат”,- деди. Облус башчы аткарылган иштерди кыска сөзгө камтуу мүмкүн эмес экенин белгиледи. Жыйында 3 жыл ичинде облуста 276 ар түрдүү нааразычылык акциялары болгону айтылды.