Москвада 4 кыргыз паспорту жок кармалган, учурда алар мигранттарды кармоочу чатырларда күн көрүшүүдө

Документтери туура эмес болгон же тиешелүү документтери жок мигранттар үчүн тигилген чатырлар

Чатырларда ар улуттун өкүлдөрү бар

Атайын мигранттар үчүн тигилген чатырлар

Чатырларда күн кечирип жаткан мигранттар

Чатырлар асфальттын үстүнө тигилген

Тиешелүү документтери жок кармалган мигранттар

Мигранттар үчүн тигилген чатырдын ичи

Орусиянын Москва шаарындагы Иртышский проезд, 8-үй дарегинде жайгашкан мигранттарды кармоочу чатыр лагердеги шарттар менен Кыргызстандын Орусиядагы элчилиги 5-августта таанышып чыкты. Элчиликтин басма сөз кызматы билдиргендей, учурда ал жерде паспорттору жанында болбой калып кармалган Кыргызстандын 4 жараны бар. “Алардын экөө эркек болсо, экөө аял. Мигранттарды кармоочу жайдын шарттары жакшы экендиги жана ал жерде 3 маал тамак берилери белгилүү болду. Бирок кармалгандар жынысына карабастан бардыгы бир чатырга түнөшөт экен. Элчилик бул 4 кыргызга өздүгүн тактоочу документтерди жана кийим-кечелерди ал жайга жеткирип берүү маселесин кароодо”,- деп жазылган билдирүүдө.

Автор: Ширин Жумадилова
Фото: Интернет булактарынан алынды