ИИМдин академиясынын ордуна укук коргоо органдарынын академиясын түзүү сунушталууда

ИИМдин алдындагы Милиция академиясын өкмөткө караштуу Укук коргоо органдарынын академиясы кылып кайра түзүү сунушталууда. Долбоорду өкмөт коомдук талкууга алып чыкты. Өкмөттүн басма сөз кызматы билдиргендей, бул демилгени президент Алмазбек Атамбаев көтөргөн. Аталган окуу жайда милиция кызматкерлерин гана эмес, Жаза аткаруу тутумунун, Баңгизатка каршы күрөшүү жана Бажы кызматтарынын кызматкерлерин даярдоо пландалып жатат. ИИМдин академиясы өлкөдө милиция кызматкерлерин даярдаган жалгыз окуу жай.

Автор: Ширин Турдакунова