Кара тумоонун очоктору Алай, Тянь-Шань жана Талас тоолорунда көп

Кара тумоо оорусунун очоктору негизинен Кыргызстандын Алай, Тянь-Шань жана Талас тоолорунда жайгашкан. Бул тууралуу Саламаттыкты сактоо министрлигинин коомдук саламаттыкты сактоо бөлүмүнүн башчысы Асылбек Сыдыканов бүгүн, 26-августта маалымат жыйында билдирди. Айтымында, аймактардагы аталган ооруну алып жүрүүчү суур, коён, бүргө жана башка жаныбарлар жүрүүчү жайларды жана суурлардын ийиндерин тазалоодон өткөрүү иштери жыл сайын жүргүзүлүп турат. “Бирок ар бир очокту текшерүүдөн толук өткөрүүгө бизде каражат жетишсиз”,- дейт ал.