Быйыл ажылык сапарга 3600 киши барат

Быйыл ажылык сапарга 3600 киши барат. Бул тууралуу Муфтияттын Ажылык бөлүмүнүн башчысы Марат ажы Усупов бизге билдирди. Айтымында, Ош облусунан 816, Ош шаарынан 288, Жалал-Абад облусунан 768, Баткен облусунан 288, Талас облусунан 48, Нарын облусунан 48, Ысык-Көл облусунан 96, Чүй облусунан 672, Бишкек шаарынан 288 киши барат. “Ажылык сапарга баруучулар бардык чыгымдарды кошкондо 2300 доллар сарпташат. 17-сентябрда Бишкек-Медина түз каттамы менен, 18-сентябрда Ош-Медина түз каттамы менен учушмакчы. Ал эми кайра кайтуу 20-октябрдан башталат”,- деди Усупов. Белгилей кетсек, былтыр ажылык сапарга 4500 киши барган.

Автор: Ширин Жумадилова