Жалал-Абад. Окуучулардын билими жакшы, тартиби начар

Жалал-Абад шаарында учурда 20 мектеп, 23 бала бакча иштейт. Кыргыз тилдүү 5, орус тилдүү 2, аралаш тилдүү 13 мектеп бар. Маалыматты бүгүн, 28-августта Шаардык билим берүү башкармалыгынын башчысы Чырмаш Дооронов билдирди. Айтымында, шаарда 1752 мектеп мугалими, 130га жакын бала бакча тарбиячысы иштөөдө. "Биздеги окуучулардын билим деңгээли жакшы. Белгилей кетсек, №1- гимназиянын окуучусу Арген Боржонов жалпы республикалык тестирлөөдөн 347 упай топтоп, республика боюнча биринчи орунду алды",- дейт Дооронов. Бирок окуучулардын тартиби жакшы эмес. Жаңы окуу жылында алардын билими менен катар тартибине да көңүл буруу күчөтүлө турганын айтты ал.

Автор: Кенже Тынымбек кызы