Президент Самаркандек айылында шахта басып калып каза болгондордун үй-бүлөсүнө материалдык жардам берди

Президент Алмазбек Атамбаев Баткен районунун Самаркандек айылында шахта басып калып каза болгондордун үй-бүлөсүнө жардам берди. Президенттик аппараттын маалыматтык саясат бөлүмү бүгүн, 28-августта билдиргендей, тиешелүү буйрукка мамлекет башчы кол койгон. Ага ылайык, Сатар Абдрахмановдун, Тажибай Абдрахмановдун жана Бакыт Айдаралиевдин үй-бүлөлөрүнө материалдык жардам көрсөтүлдү. Эске сала кетсек, 13-августта Баткен районунун Самаркандек айылында сел жүрүп, 1 көмүр шахтасы көчүп түшкөн. Ал жерде иштеп жаткан жергиликтүү 3 тургун шахтанын алдында калган.

Автор: Ширин Жумадилова