Эрмек Жунушбаев: "Бизди "Кумтөрдөн" акча талап кылды деп көрсөтүлүп жаткан видеону экспертизага жөнөтө берсин, андан коркпойм"

"Бизди "Кумтөрдөн" акча талап кылды деп көрсөтүлүп жаткан видеотасманы экспертизага жөнөтө беришсин, андан коркпойм. Тасма монтаждалганы ачык эле көрүнүн турат. Сөздөрү кыска-кыска үзүлүп берилген, үндөр тунук эмес”. Муну аталган окуяга байланыштуу бийлик тарабынан айыпталып жаткан Эрмек Жунушбаев билдирди. Айтымында, "Кумтөрдүн" өкүлдөрү аларды бир нече жолу Саруу айылына которулган каражатты кайсы тармакка жумшоо тууралуу сүйлөшүүлөргө чакырышкан. “Ошол жолугушуулардын биринде биздин катуураак сүйлөгөнүбүздү монтаждап коюшуптур”,- дейт Жунушбаев.