Айыл чарба министри: "Быйыл дыйкандар буудайдын үрөнүн көп сурап жатышат"

Быйыл шартка жараша дыйкандар буудай айдалган аянтты көбөйтүүнү көздөп жатышат. Бул тууралуу бүгүн, 11-апрелде айыл чарба, тамак-аш өнөр жайы жана мелиорация министри Эркинбек Чодуев онлайн маалымат берип жатып айтты.

"Үрөндөр жөнүндө айта турган болсом, үрөндөр бүгүнкү күндө 84 пайызга кондицияланды, үрөндүн тартыштыгы жок. Азыркы тапта дыйкандар буудайдын үрөнүн көбүрөөк сурап жатышат, биз колдон келген аракеттердин баарын көрүп жатабыз. Буюрса, биз болжолдогондон 5 миң гектардан көбүрөөк аянтка буудай айдалат деп турабыз", - деди министр.

Автор: Кызжибек Раимова