Депутат апрель айында жааган кар кайсы өсүмдүктөргө зыянын тийгизгенин сурады

Бүгүн, 14-апрелде Жогорку Кеңештин комитет жыйынында депутат Бакирдин Субанбеков апрель айында жааган кар кайсы өсүмдүктөргө зыян алып келгенин сурады.

Айыл чарба, тамак-аш өнөр жай жана мелиорация министри Эркинбек Чодуев 8-9-апрель күндөрү бир топ жерлерге кар жааганын эскертти. "Негизинен Баткен облусунда эрте гүлдөгөн, түйүлгөн мөмө-жемиштер, өрүктөргө, алмаларга зыян болду. Талас, Чүй облусунда ушундай абал. Бул маселе боюнча райондук комиссия иштеп жатат", - деди министр.

Жогорку Кеңештин Эл аралык иштер, коргоо жана коопсуздук боюнча комитети менен Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин биргелешкен отуруму өтүп жатат.

Автор: Жылдыз Джускембаева