Октябрь районуна караштуу №3-мектепте биринчи коңгуроо кагылды

Көптөн күткөн мезгил келип, бөбөктөр келечекке карай сапар улай башташты

Бүтүрүүчү класска көчкөн окуучулар мектеп босогосун жаңы аттап жаткан окуучуларды жетелеп, класстык бөлмөлөрүнө узатышты

Биринчи коңгуроо кагуу аземи

жогорку класстын окуучулары көтөрүп келген кутулардан 1-класстын окуучулары чыгып, биринчи коңгуроону кагышты

Биринчи коңгуроо кагуу аземи адаттагыдан айырмалуу болду

Салтанаттуу иш-чара учурунан

11-класстын окуучулары 1-класстын окуучуларына кеңештерин айтып, сабакты жакшы окууга, мугалимдерди сыйлоого чакырышты

1-класстын окуучулары келечекте ким болууну каалаганын айтышты

"Балажан" балдар-бий ансамбли конокторго бий тартуулашты

Мектеп директору Гүлмира Мусиева окуучуларын жаңы окуу жылынын башталышы менен куттуктап, ийгиликтерди каалады

Салтанаттуу иш-чарага Эл агартуунун отличник мугалимдери да чакырылган

Жаңы мектеп босогосун аттаган Айсулуу Макулбекова толкунданып жүрдү

Биринчи коңгуроого арналган салтанаттуу иш-чара КРнын гимни менен башталды

Октябрь районуна караштуу №3-жалпы билим берүүчү орто мектебинин босогосун 174 окуучу аттады

Бүгүн, 3-сентябрда Кыргызстан боюнча 2013-2014-окуу жылдарынын расмий башталып жаткан күнү. Быйыл Бишкек шаарынын Октябрь районуна караштуу №3-жалпы билим берүүчү орто мектебинин босогосун жалпы 174 окуучу аттады. Биринчи коңгуроого арналган салтанат КРнын гимни менен башталды. Мектеп директору Гүлмира Мусиева мектеп босогосун аттап жаткан келечек ээлери менен бирге мектеп окуучуларын жаңы окуу жылынын башталышы менен куттуктап, окууларда чоң жетишкендиктерди каалады. Убакыт келип, 1-класстын окуучулары коңгуроо кагышты. Ал эми бүтүрүүчү класска көчкөн окуучулар мектеп босогосун жаңы аттап жаткан окуучуларды жетелеп, класстык бөлмөлөрүнө узатышты.

Автор: Ширин Турдакунова
Фото: Дамира Арстанова