Кыргызстандыктар Германияда өтүүчү айыл чарба жарманкесине катышат

Кыргызстандыктар Германияда январь айында өтүүчү “Жашыл жума-2014” айыл чарба жарманкесине катышат. Бул тууралуу Айыл чарба жана мелиорация министрлигинин басма сөз кызматы билдирди. Маалым болгондой, бул жарманкеге Кыргызстан 5 жылдан бери катышып келет. “Өткөн жарманкелердин жыйынтыгында Кыргызстандын балына, кыямына, төө буурчагына жана кургатылган жемиштерине талап чоң экени белгилүү болду”,- деп жазылган билдирүүдө. Ошондой эле бул иш-чарага 40 мамлекет катышары белгилүү болду. Фестивалдын алкагында ар түрдүү семинарлар, конференциялар өткөрүлмөкчү.

Автор: Ширин Жумадилова