ЖКдагы комитет жыйынына мандаттарынан ажыраган "ата журтчу" 2 депутат катышууда

Бүгүн, 16-сентябрдагы ЖКнын Коргоо жана коопсуздук комитетинин жыйынына мурдагы депутаттар Садыр Жапаров, Талант Мамытов жана мурдагы тышкы иштер министри Аликбек Жекшенкулов катышууда. Белгилүү болгондой, тармактык комитеттин бүгүнкү жыйынында УКМК 2-сентябрда жарыялаган чуулуу видео боюнча маселе каралат. Тактап айтканда, "Кумтөр" боюнча оппозициянын пландары тууралуу айтып берген Эрланбек Өмүралиевдин маалыматынын негизинде талкуу болот.

Айта кетсек, видеодо оппозиция алдына 3 долбоор койгону айтылат. Биринчиси "Кубакы" деп аталып, Ысык-Көлдө унаа жолдорун тосуу, экинчиси "Юпи" - Нарын дарыясын химиялык каражаттар менен ууландырып, буга бийликти күнөөлүү деп табуу. Үчүнчүсү азырынча белгисиз экендигин, бирок алдынкы экөөнө караганда бул күчтүү план экенин айтат Өмүралиев.

Автор: Ширин Жумадилова