Ысык-Көл. Тоң районунун Жер-Үй айылын каптаган селдин кесепети жоюлду

16-17-августта Тоң районунун Болот Мамбетов айыл өкмөтүнө караштуу Жер-Үй айылында катталган табийгый кырсыктан улам тоо башындагы көл ташып, жайлоодогу малчылар менен айыл элин байланыштырып турган жолду жараксыз абалга алып келген. Тоң районунун мамлекеттик администрациясынын кайрылуусунан кийин "Кумтөр" 7 тонна күйүүчү май жана 2 техника бөлүп берип, бүгүнкү күндө тазалоо иштери соңуна чыкты. Техникалардын жана кызматкерлердин ыкчам иш-аракеттеринин натыйжасында учурда бузулган суу каналы жана жайлоого кетчү жол калыбына келтирилди. Бул тууралуу обладминистрациянын басма сөз катчысы Назира Муканбетова кабарлады

Автор: Айзат Анарбекова