Депутат: Кадамжай сурьма комбинатындагылар иш таштап, 4 күндөн бери жумушка чыга элек

Баткендеги Кадамжай сурьма комбинатындагы жумушчулар иш таштоого барышканын ЖКнын 19-сентябрдагы жыйынында вице-спикер Чолпон Султанбекова айтты. Депутат билдиргендей, жумушчулар 16-сентябрдан бери ишке чыгыша элек. "Алар комбинаттын жектекчилигине ишканадагы экологиялык жана кайра түзүү маселелерди чечип берүү талабын коюшууда. Учурда ишканада экологиялык норма сакталбайт. Таштанды калдыктарды атайын жайга эмес, комбинаттын ичине төгүшүүдө",- деди Султанбекова. Мунун айынан комбинатка жакын жайгашкан айылдарда ар кандай жугуштуу оорулар көбөйүп, жаш балдар жабыркап жатканын айтты ал.

Автор: Автандил Добулбеков