Кыргызстанда 2 миллионго жакын майда жандыктарга бруцеллёз оорусуна каршы эмдөө жүргүзүлөт

Бүгүн, 20-сентябрда Кыргызстандагы козу-улактарды бруцеллёз оорусуна каршы эмдөөдөн өткөрүү башталды. Бул тууралуу Айыл чарба жана мелиорация министрлигинин басма сөз кызматы билдирди. Маалыматка ылайык, өлкөдөгү 2 миллионго чукул 3 айлык улак-козулар эмделмекчи. “Майда жандыктарды эмдөөнүн натыйжасында былтыркыга салыштырмалуу бруцеллёз менен ооруган жарандардын саны 1,7 эсеге азайганын Саламаттыкты сактоо министрлиги билдирген”,- деп жазылган билдирүүдө.

Автор: Ширин Жумадилова