Тышкы иштер министрлиги Бишкекке Кувейттин элчилигин ачууну сунуштады

Тышкы иштер министри Эрлан Абдылдаев Кувейттин Тышкы иштер министринин орун басары Шейх Сабах Халед Аль-Хамад Аль-Сабах менен жолугушту. Бул тууралуу кувейттик маалымат булактары жарыялашты. Абдылдаев сүйлөшүү жүрүшүндө эки тараптуу кызматташтыкты өнүктүрүү үчүн Бишкекке Кувейттин элчилигин ачуу сунушун айткан. Ошондой эле 2014-жылы дипломатиялык алаканын 20 жылдыгына карата Кувейттин Тышкы иштер министринин Кыргызстанга иш сапары менен келүү боюнча макулдашуу болуптур.

Автор: Автандил Добулбеков