Бишкек: Жаңы конуштардагы 42 миң жашоочунун 1 577синин документи жок

Коомдук уюмдар жүргүзгөн изилдөөлөрдүн жыйынтыгы боюнча Бишкектин 11 жаңы конушунда жашаган 42 300 жашоочунун 1 577синин өздүк документтери жок. Алардын 16 миңи 16 жашка чейинкилер. Дордой жана Ош базарларына жакын жайгашкан жаңы конуштарда 10 474 киши жашайт. 16 жашка чейинкилердин 92 пайызында туулгандыгы тууралуу күбөлүк жок экендиги аныкталыптыр. Изилдөө 2013-жылдын август айында “Балдарды коргоо борбору” коомдук уюму, “Арыш”, “Адилет” укуктук клиникасы тарабынан жүргүзүлгөн.

Автор: Айпери Ганыжан кызы