Ош. 2013-жылдын 8 айында жугуштуу ичеги оорулары менен ооруган 1054 жаран катталган

Ош шаарынын мэринин убактылуу милдетин аткаруучу Мелис Мырзакматов шаардагы коомдук тамактануучу жайлардагы санитардык көзөмөлдөө тууралуу токтомго кол койду. Көзөмөлдөөчү топ мэрия кызматкерлеринен, шаардык ички иштер бөлүмү жана шаардык санэпистанция кызматкерлеринен турат. Бул иш-чара жугуштуу оорулардын алдын алуу максатында уюштурулууда. Социалдык маданий өнүгүү бөлүмүнүн маалыматына ылайык, 2013-жылдын 8 айында 1054 жаран жугуштуу ичеги оорулары менен кайрылышканы маалым болгон.

Автор: Элира Чынтемир кызы